QUE SERÁ, QUE SERÁ?

Esta mañá iniciamos unha nova manualidade desas que tanto nos gustan, e ata podemos dicir que esta foi unha das nosas favoritas. Pronto saberedes por que...

Ímosvos ir dando unhas pistas, a ver se sodes capaces de adiviñar que andamos a argallar!

Comezaremos dicindo que o encargado de hoxe nos entregou a cada Pondaliñ@ un vaso de cor rosa cun ollos móbiles e un pompón branco no seu interior... Que será, que será?

De seguido, nós empezamos a picar unhas orellas brancas, unhas orellas rosas e pegando unhas sobre as outras. Que será, que será?

A continuación, picamos un pequeno nariz de cor negra... Que será, que será?

Logo, uns mofletes blancos... Que será, que será?

E xa para rematar, uns dentiños de tamaño considerable... Que será, que será?

Despois de tantas pistas esperamos que xa saibades de que se trata... Pero se aínda non o descubríchedes, mirade o que pasa cando xuntamos tódalas pezas!

Claro! Fixemos un coelliño de Pascua! E aí están as orellas, os ollos, o nariz, os mofletes e os dentes. Pero... Onde está o pompón que viña dentro do vaso? Sorpresa, sorpresa!

Esta mañá só nos dou tempo a montar os coellos do equipo azul e vermello, porque necesitamos axuda da profe, pero mañá prometemos rematar os da mesa verde e amarela! E probablemente vexades algún detalliño que por aí falta... 

E o xoves... Que ricos van estar estes coelliños nun par de días!