O blog dos Pondaliñ@s

Esta mañá despedimos o curso 2018/2019 e a nosa etapa en Educación Infantil por todo o alto! Celebramos a terceira edición do festival "P de Pondal"! Nesta ocasión os Pondaliñ@s de 5 anos fixémoslle unha homenaxe ao grupo favorito da nosa profe Rocío e transformámonos nos seus Freddie Mercury particulares. Estábamos auténtic@s! Aquí nos tedes a tod@s a piques de comezar a nosa actuación! E aquí está a nosa gran actuación! Que ben o fixemos! Que gran espectáculo! Ademais, grazas á mamá do noso compañeiro Roi, temos unha gran reportaxe fotográfica do día de hoxe. Moitas grazas Rosario! Agardamos que vos gustase e que vos divertírades tanto coma nós!

Para celebrar que este curso 2018/2019 chega ao seu fin, os Pondaliñ@s de 3, 4 e 5 anos, xunto aos nosos compañeiros e compañeiras de 1º de Primaria desfrutamos dunha gran merendola! Bocatas, galletas, chocolate, chuches, patacas fritas, gusanitos e un montón de bebidas moi diferentes ás que tomamos nas nosas merendas habituais... Puxémonos as botas! Ademais, tamén visitamos o pavillón para ser espectadores do tradicional partido que disputan os alumn@s de 6º contra algúns mestr@s da nosa escola!  E mañá a desfrutar do noso último día como Pondaliñ@s de Infantil!

Na tarde do pasado mércores 12 de xuño os Pondaliñ@s de 5 anos celebramos a nosa Graduación! Acompañados de mestras e familiares, festexamos o noso paso por Educación Infantil, ademais de dar un novo pasiño cara 1º de Educación Primaria! Cantos nervios pasamos, pero sobre todo, que ilusión nos fixo este gran momento! Será inolvidable! Aquí vos deixamos un pequeno gran resumo do que sucedeu nesta xornada tan especial:

O de hoxe foi un día cargadiño de emocións! Comezamos a mañá despedindo ao profe Xalo, agasallándoo cun precioso cadro no que as nosas pegadas se transformaron nas follas dunha árbore. Unhas pegadas que estamos máis que seguros de que sempre levará con el alá por onde vaia, na súa memoria e no seu corazón! Persoalmente, quero agradecervos a tódalas familias este detalle tan bonito para o mellor compañeiro de aula que puiden ter desde que comezou esta aventura alá por setembro de 2016! Xa na clase, preparámonos para participar na segunda edición do "P de Pondal", e aproveitamos para sacar unhas fotiños xunto aos Pondaliñ@s de 3 anos. Moitas grazas á profe Silvia pola súa axuda, tanto no día de hoxe durante o festival como a que nos ofreceu durante todo o curso en múltiples ocasións! Despois disto, xa estábamos máis que listos para baixar ao patio e desfrutar do espectáculo! Aquí vos deixamos un pequeno resumo do que foi a seg...

Esta mañá, os nenos e nenas de 6º de Educación Primaria enfrontáronse a un grupo de mestras e mestres no tradicional partido de fútbol que se celebra no pavillón para celebrar a fin dun novo curso! Nesta ocasión, os Pondaliñ@s de 3, 4 e 5 anos fomos uns espectadores de primeira fila! Aquí vos deixamos algunhas imaxes dun partido no que a gran maioría de nós animamos ao equipo formado polo profesorado, que gañou ao equipo do alumnado por 4 goles a 1!

Como ben sabedes, este xoves 21 de xuño celebramos a segunda edición do "P de Pondal", o festival de fin de curso da nosa escola! Por suposto, as familias estades máis que convidadas a este evento! As portas abriranse ás 10.15 horas e o festival dará comezo ás 10.30 horas. Estade ben antent@s ao entrar, xa que varios nenos e nenas maiores estarán repartindo uns vales que durante o descanso vos permitirán realizar unha consumición nas barras que instalaremos no patio. Desta vez non seremos os encargados de abrir o festival, senón que os Pondaliñ@s de 3 e 4 anos actuaremos en segunda posición, xusto despois da obra de teatro que representarán os nosos compañeir@s de 5 anos! Recordade que ese día interpretaremos o tema "Esto báilase así" de Uxía Lambona e a Banda Molona, e que deberemos vir vestidos cunha camiseta lisa de cor vermella e pantalón, bermuda ou falda vaqueira. Finalmente, a proposta gañadora para o cartel deste ano foi a que realizou unha compañeira ...

Para celebrar que este curso 2017/2018 está a piques de rematar, os Pondaliñ@s de 3, 4 e 5 anos, reunímonos no noso corredor para desfrutar todos xuntos dunha rica merendola! Aquí vos deixamos algunhas fotografías do que foi esta saborosa mañá: Ademais, nada máis chegar á aula descubrimos a última das mensaxes do Capitán Nemo. Pero desta vez, o seu vídeo viña acompañado duns carnets que nos converteron en capitáns e capitanas de submarino, uns saborosos peixiños que nos agasallou para acompañar a nosa merenda, e tamén unha lupa de súper-aumento e un visor de animaliños para que nunca perdamos as ganas de aprender e seguir investigando. Se queredes escoitar o que nos tiña que dicir, pinchade aquí :

Como xa lle anunciamos onte ao Capitán Nemo, hoxe tocaba solucionar a outra dúbida que nos formulou o comandante do Nautilus: Cantos brazos utilizan as estrelas de mar para moverse? Xa sabíamos que, ademais de para respirar e alimentarse, tamén empregan os pés ambulacrais para desprazarse. Iso si, sobre o número de brazos que usan as estrelas para moverse non tiñamos nin idea e as hipóteses foron moi variadas. Así pois, decidimos consultar algún dos libros de información da nosa aula e tamén ler algúns artigos de varias páxinas web. Queredes saber que aprendemos? Pois mirade o vídeo que lle enviamos ao Capitán Nemo! Aquí vos deixamos un dos vídeos que vimos para analizar o movemento destes equinodermos! E ao falar de brazos, aproveitamos para coñecer novas especies de estrelas de mar, de múltiples formas, cores e número de brazos. Buscamos varias imaxes na rede, e vimos vídeos coma o seguinte: Con todo o aprendido, ademais de mandarlle estas mensaxes ao comandan...

Aos Pondaliñ@s de 4 anos comprácenos presentarvos o tema "Esto báilase así", interpretado por Uxía Lambona e a Banda Molona. Esta será a  canción que bailaremos xunto aos nosos compañeiros e compañeiras de 3 anos na segunda edición do "P de Pondal" o vindeiro xoves 21 de xuño de 2018.  Os primeiros ensaios estámolos levando a cabo na aula para familiarizarnos coa letra e co ritmo desta animada canción. Pero proximamente comezaremos os ensaios oficiais na piscina cos nosos amigos e amigas de 3 anos. Agardamos que vos guste! A nós encántanos!

No día de onte despedimos este curso 2016/2017 cun gran festival: o "P de Pondal"! Os Pondaliñ@s de 3 e 4 anos bailamos un remix da banda sonora da película "Grease". Aquí vos deixamos un pequeno resumo do que foi o día de onte. Esperamos que vos gustase e que o pasárades tan ben coma nós! P DE PONDAL!

Esta mañá, xunto aos nosos compañeiros e compañeiras de 4 e 5 anos, e tamén xunto ás nenas e nenos de 1º e 2º de Primaria, despedimos o noso primeiro curso no cole cunha rica merendola! Gusanitos, palomitas, patacas, chuches, zumes e augas había nas mesas que colocamos no corredor para a ocasión, pero non chegaron a nada, acabouse todiño! Incluso a profe repartiu galletas e os rapaces e rapazas maiores nos trouxeron comida das súas festas! Pasámolo fenomenal!

Como ben sabedes, este venres celebraremos o "P de Pondal", o festival co que despediremos este curso! Por suposto, estades máis que convidados a este evento! As portas ás familias abriranse ás 10:15 horas, e os Pondaliñ@s de 3 e 4 anos seremos os primeiros en actuar, alá polas 10:30 horas. Aquí vos deixamos o cartel que se creou para a ocasión! Que vos parece? Levamos varias semanas ensaiando o noso baile na piscina que se atopa no patio cuberto, pero desde este luns un gran escenario invade a pista de fútbol, e como non podía ser doutra maneira, xa nos subimos a el para practicar un pouquiño máis!  Ademais, contamos cun gran altofalante para poder escoitar a nosa canción durante os ensaios, mais hoxe tamén o utilizamos para transformar o noso recreo nun moi especial... Pasámolo en grande coas cancións que alí soaban, e témoslle que dar as grazas ás profes Ana e Sandra, xa que foron elas as que nos gravaron bailando así de ben! Recoñecédesnos entre tantos nen@s?

Esta tarde coñecemos a canción que bailaremos no "P de Pondal", o festival que celebraremos a final de curso! Tamén descubrimos quen sería a nosa parella neste baile e ensaiamos os primeiros pasos... (E que ben nos saíron!)  Aquí vola deixamos para escoitala cantas veces queirades! Proximamente informarémosvos do vestiario que precisamos para este día, non sabedes aínda o guap@s que van estar estes Pondaliñ@s!