O blog dos Pondaliñ@s

Como ben sabedes, en poucos meses os Pondaliñ@s de 5 anos pasarán a ser alumnas e alumnos de 1º de Primaria, así que esta mañá aproveitamos a última misión que nos deixou o Señor do Tempo para visitar aos nosos compañeiros e compañeiras de corredor e resolver tódalas cuestións que propuxemos para completar a lista de Dash. Aquí nos tedes na que será a nosa futura aula: Por suposto, os nenos e nenas de 1º aceptaron axudarnos moi amablemente e resolveron tódalas nosas dúbidas. Aquí vos deixamos as súas respostas, por se os Pondaliñ@s non as recordan todas e no verán necesitan solucionar algunha cuestión: En 1º non teñen a Teo nin ningunha outra mascota. As mesas colócanse por equipos. Neste caso unha gran mesa con forma de "U" e outra máis pequena con forma de rectángulo. Imos ter PDI e nela podemos escoitar cancións, ver vídeos, aprender a través de xogos interactivos... Na clase non hai recunchos, pero teñen estanterías para gardar diferentes xogos (contos,...

Esta mañá os Pondaliñ@s de 5 anos subimos ao último piso da nosa escola para visitar aos nenos e nenas de 5ºB, e tamén á súa profe Meibel. Sabedes por que? Pois porque durante todo o ano estiveron participando nun programa de Robótica Educativa, e ao rematar o curso invitáronnos a coñecer os seus robots e as súas maquetas... Mirade que ideas tan xeniais para mellorar a educación viaria de Ponteceso! E ata nolas deixaron probar para descubrir de primeira man como funcionaban os diferentes sensores! Pero, sen dúbida, o momento máis esperado e o que máis nos entusiasmou foi cando nos deixaron manexar os seus robots. Conducímolos e algúns incluso os fixemos soar! Que ben o pasamos e canto nos gustou esta nova experiencia! Moitas grazas pola invitación!

Coma tódolos anos, esta mañá celebramos a tradicional convivencia do CEIP Eduardo Pondal na praia de Valarés! Canto nos gusta esta saída e que ben o pasamos! Aquí vos deixamos un pequeno resumo do que ocorreu no día de hoxe:

Esta mañá recibimos unha visita moi especial... Nuns meses seremos Pondaliñ@s de 1º de Primaria, polo que ao facernos maiores cambiaremos de aula, de profe e tamén contaremos con novos amig@s na nosa clase!  Por este motivo, hoxe coñecemos a Mateo e Daniela, que se incorporarán á nosa aula o vindeiro curso! Moitos de nós xa os coñecíamos das actividades extraescolares e fíxonos moitísima ilusión a súa visita! Como somos tantos, ao principio resultaralles complicado acordarse de tódolos nomes, así que quixemos facerllo un pouquiño máis fácil... E para iso creamos un libro-xogo para cada un! Aquí temos á nosa compañeira Leila decorando as portadas, e as mans en forma de corazón son de Hugo! Nas seguintes páxinas colocamos unha das fotografías grupais que sacamos na última saída á Coruña, e tamén as fotos individuais da nosa graduación xunto ao noso nome, que cada Pondaliñ@ tivo que escribir e decorar! E en que consistía o xogo? Pois tanto Mateo como Daniela tiñan que descubr...

Durante a nosa visita a Mazaricos, un dos monitores de Naturmaz sacounos algunha que outra fotografía mentres realizabamos as distintas actividades que nos prepararon. Se premedes na seguinte imaxe poderedes velas e descargalas todas:

Esta mañá visitamos o concello de Mazaricos para desfrutar dun gran día de aventura en Naturmaz!  Na xornada de hoxe puidemos visitar a súa granxa-escola, superar diferentes obstáculos nunha divertida xincana, practicar tiro con arco, plantar grans de millo e coñecer o seu hangar de avións. E o que máis nos gustou: unha improvisada festa acuática con aspersores para superar un día tan caloroso! Pasámolo xenial e xa temos ganas de repetir! Aquí vos deixamos un pequeno gran resumo do que foi o día de hoxe. Agardamos que vos guste!

Coma tódolos anos, para conmemorar a Semana das Letras Galegas a aldea do Couto engalánase para celebrar, un ano máis, unha nova edición das Festiletras!  Nesta ocasión, a Fundación Eduardo Pondal convidounos a participar no Festiciencia, onde puidemos gozar cos numerosos xogos tradicionais que presentou o MELGA, así como da actuación de Paco Nogueiras e a súa "Radio Bule-Bule"! Foi un día fantástico e pasámolo xenial! Aquí vos deixamos un pequeno resumo do que foi esta xornada tan divertida: Ademais, no hall da nosa escola xa podedes visitar unha exposición dedicada a Antón Fraguas e á súa obra "Romarías e Santuarios de Galicia" coa información que o alumnado e as súas familias aportaron! Moitas grazas a tod@s!

A xornada de hoxe era unha das máis esperadas para nós... Por fin recibíamos a visita da nosa compañeira Iria! Cantas ganas tíñamos de vela! Pasamos todo o día con ela: veu con nós a clase de Música, xogou con nós no recreo e nos rincóns, e incluso nos tiña preparada unha gran sorpresa! Mirade que xogo de caracol nos trouxo para pasar lista! Encantounos! Por suposto, xa o estreamos, aínda que dunha maneira moi agarimosa... Tivemos que tirar dados, mover unha peza de caracol ata a casilla correspondente e darlle un bico e un abrazo ao Pondaliñ@ que se correspondese co nome que tocara en cada momento! Canto nos gustou e canto uso lle imos dar! Moitísimas grazas Iria! Nós, a cambio, tiñamoslle preparada unha rica merendola, que ademais de agradarlle á nosa compañeira, tamén lle agradaría moito ao Señor do Tempo! Queredes saber por que? Pois porque eran unhas piruletas de superheroes e superheroínas! Pintamos e picamos capas, cravamos un amorodo nunha brocheta e probamos o pegame...

Por fin chegou o bo tempo á nosa escola, e por fin puidemos desfrutar do apadriñamento lector que tivemos que aprazar por mor da chuvia a semana pasada. Fai uns días que os nenos e nenas de 4º e 5ºA visitaron a nosa aula para coñecernos e saber máis sobre os nosos gustos no tocante á lectura! Despois deste encontro, as nosas compañeiras e compañeiros maiores visitaron a biblioteca do centro para buscar o conto que mellor se adaptaba ás nosas preferencias, e esta mañá por fin nolo puideron ler! Aquí vos deixamos as imaxes deste gran día!

Para celebrar o remate deste 2º trimestre de curso, os Pondaliñ@s de 3, 4 e 5 anos visitamos o Pazo da Ópera da Coruña para desfrutar dun concerto didáctico que leva por nome "Raíces". Nesta ocasión viaxamos ata o continente africano a través do canto, a danza e algúns instrumentos de percusión tradicionais. Encantounos! Pero isto non era todo... Despois do concerto visitamos o Parque de Santa Margarida, onde enchemos as nosas barrigolas e, sobre todo, nos divertimos xogando todos xuntos! Aquí vos deixamos un pequeno resumo do que ocorreu nesta xornada tan especial. Agardamos que vos guste, nós pasámolo xenial!

No IES Eduardo Pondal de Ponteceso están celebrando as súas Xornadas Culturais, e fai uns días que aos Pondaliñ@s de 3, 4 e 5 anos nos chegou unha invitación para visitar o instituto no que dentro duns aniños estudaremos! Por suposto, aceptamos a invitación e visitámolo esta mesma mañá! Volvemos á escola emocionadísimas e emocionadísimos con todo o que alí vimos, descubrimos e aprendemos! E tamén por ver algunhas caras que se nos facían coñecidas... Gustounos tanto que algúns Pondaliñ@s incluso querían quedar alí! Aquí vos deixamos un pequeno gran resumo do que sucedeu neste día tan especial:

Esta mañá na nosa aula recibimos unha visita moi especial... Queredes saber de quen se trataba? Aquí vos deixamos un pequeno vídeo deste momento tan esperado como sorprendente! Claro, era o profe Xalo, que veu desde As Pontes ata Ponteceso para visitarnos! Menuda alegría levamos e cantas cousiñas lle tiñamos que contar... E despois deste anaquiño con el, só temos unha cousiña que dicir: Volve pronto Xalo! Botámoste moito de menos...

Esta mañá recibimos unha visita moi especial... O vindeiro curso xa seremos alumnas e alumnos de 1º de Primaria, polo que teremos que estrear nova clase e deixar a nosa aula de Infantil. Pero esta non quedará baleira, serán os novos Pondaliñ@s de 3 anos os que desfruten e aprendan moito nela. E nós, por suposto, poderemos vir de visita cada vez que queiramos! Como non podía ser doutra maneira, tiñamos que coñecelos, aínda que a algúns xa os coñecemos moi ben... Por alí viñeron Hugo, o irmán de Andrea; Noa, a irmá de Mario; Bella, a curmá de Roi; Axier, o curmán de Alejandro V.; Noa, a curmá de Martina; e tamén Álex, unha amiga de Mariña. Ademais de visitar o noso cole, tamén viñeron á nosa aula, e ata xogaron nela! O que máis lle gustou foi a cociña e a mesa de ferramentas! Cando se foron, nós subimos rapidamente á nosa biblioteca, pois alí lle tiñamos preparada unha sorpresa que levamos ensaiando desde fai varios días... Recordades o conto de "Un becho estraño" que nos c...

Esta mañá produciuse o colofón final desta "Semana de Entroido" tan animada! Por fin puidemos enfundar os nosos traxes de superheroes e superheroínas! Así pois, os Pondaliñ@s de 5 anos transformámonos nos Increíbles! E desta maneira, o pasarrúas de Entroido estaba esperando por nós! Aquí vos deixamos tódalas fotiños que sacou Rosario, a mamá do noso compañeiro Roi! Moitísimas gracias! Xa na Praza do Recheo, xunto aos Pondaliñ@s de 3 e 4 anos mostramos os superpoderes que esta gran familia posúe: forza, invisibilidade, elasticidade e velocidade! E para repoñer forzas... Unha merendola con postres típicos destas datas feitos polas familias! Puxémonos as botas! Moitísimas grazas, estaba todo riquísimo! E agora o que toca é desfrutar destas pequenas vacacións! Vémonos o próximo xoves Pondaliñ@s!

Como ben sabedes, a temática deste curso son os superheroes e as superheroínas, así que esta mañá visitamos a cidade da Coruña para coñecer a uns de carne e óso... Estas persoas encárganse de apagar incendios, rescatar persoas e animais, socorrer accidentes terrestres e marítimos, e moito máis! Claro, estamos falando dos bombeiros e das bombeiras! E hoxe visitamos as instalacións do seu parque! Aquí vos deixamos un pequeno vídeo que resume o que foi esta mañá para tódolos Pondaliñ@s de Educación Infantil. Encantounos esta visita, pasámolo estupendamente ben e aprendemos un montón de cousiñas que non coñecíamos! Mirade, mirade:

Fai tempo que aos Pondaliñ@s de 5 anos nos invitaron a formar parte da campaña "Quen dixo medo?" , un programa de sensibilización contra a violencia de xénero. Esta mañá, na nosa aula recibimos a Raquel e a Sandra, que viñeron contarnos "Quérote case sempre" , a historia de amor entre Rita e Lolo, dúas personaxes que a pesar de ser moi diferentes quérense moito e adáptanse un ao outro para vivir en harmonía. Despois duns minutos de conversa e reflexión, propuxéronnos crear aos nosos Lolos e Ritas particulares, así que nos puxemos mans á obra... Entre coloreado e coloreado pegámoslle ollos: Logo, colocámoslle as antenas: Por último, decorámolas con pompóns e pegámoslle un depresor para transformalas en monicreques: E este foi o resultado final: Gustounos moito esta experiencia e pasámolo xenial! Agora só queda conseguir o libro para a nosa biblioteca de aula e así seguir reflexionando sobre este tema tan importante. Moitas grazas...