O blog dos Pondaliñ@s

Hoxe, primeiro domingo de maio, celébrase o Día da Nai! Por suposto, non podíamos deixar pasar esta data tan especial, así que o venres algo levamos para as nosas casas. Serían os Pondaliñ@s capaces de gardar o segredo? Quen sabe... Contámosvos! Fai uns días que baixamos a un dos xardíns da nosa escola para sacar unhas fermosas fotos coas letras que forman a palabra "MAMÁ". Aquí volas deixamos, mirade que bonitas quedaron: Ademais, durante esta semana tamén quixemos deixar as nosas pegadas con forma de corazón nun lenzo en branco que completamos cun gran "QUÉROTE MAMÁ", porque os Pondaliñ@s querémolas moitísimo a todas e cada unha delas! Logo, a profe encargouse de imprimir as imaxes e tamén nos botou unha man con iso pegarlle ao lenzo unha corda onde as puidésemos colgar todas. Así pois, o noso agasallo estaba listo para que as nosas mamás o colocasen nun recuncho especial nas nosas casas. Aquí vos deixamos o que realizou Zaira, a encargada deste ven...

Este domingo celébrase o Día da Nai, e na aula de 4 anos quixemos ter un pequeno detalle coas nosas mamás, as que tanto nos queren e ás que nós tanto queremos! Todo xurdiu cando na aula coñecemos un conto titulado "Adiviña canto te quero", que narra a historia dun par de lebres, nai e filla, que se queren moito moito moito. Sabedes ata onde? Escoitade este conto para descubrilo... Inspirándonos nesta preciosa historia, os Pondaliñ@s tamén lle queremos dicir ás nosas mamás ata onde as queremos, e pensamos no máis lonxe que se nos ocorreu, pois o noso amor por elas é moi moi moi grande. Así pois, durante estes días estivemos decorando os nosos lenzos con debuxos alusivos a esas frases que con tanto amor creamos. Queredes coñecer ata onde queren os nosos Pondaliñ@s ás súas mamás? Aquí volo mostramos! DÍA DA NAI 2018! Feliz día mamás! Agardamos que vos gustasen os nosos detalliños! Querémosvos moitísimo!

Hoxe é o primeiro domingo do mes de maio, e coma tódolos primeiros domingos deste mes, celebramos unha data moi importante...  As mamás sempre estades cando vos precisamos e facedes moito por nós.  Para agradecérvolo, os Pondaliñ@s quixemos ter un pequeno detalle con todas vós... Feliz día, Supermamás! Querémosvos moito!