O blog dos Pondaliñ@s

Esta mañá, nada máis entrar na aula, atopámola así. Que pasou? Por que estaban todas as cadeiras sobre as nosas mesas? Ninguén entendía nada, pero todo tiña unha explicación... De súpeto, a profe pediunos que estirásemos as nosas toallas de praia e que nos tumbásemos boca arriba sobre elas. Volvérase tola? De momento, a nós todo isto estábanos facendo moita graza... E botando a vista cara arriba descubrimos que debaixo de cada mesa había varias cartolinas en branco! E a mestra xa estaba repartindo rotuladores... Que tiñamos que facer? Pois debuxar o mellor do noso verán! Así que nos puxemos mans á obra! Nunca debuxáramos desta maneira tan peculiar, e mentres o facíamos escoitáronse frases tan memorables como: "Ai profe, eu fago o que podo". Probablemente non sexan os nosos mellores debuxos, pero ninguén nos quita as súper gargalladas que se escoitaron na nosa clase mentres simulábamos estar tomando o sol neses días de verán nos que tan ben o pasamos! ...

O curso 2018/2019 xa está aquí, e iso só quere dicir que a partir de hoxe somos os veteranos e as veteranas de Educación Infantil. A nosa clase xa é a de 5 anos, somos os maiores! Este é o noso terceiro curso nesta escola e, polo tanto, o último coa profe Rocío. Así que intentaremos aproveitalo e desfrutalo ao máximo! Aquí vos deixamos a nosa primeira fotografía que dá comezo a un novo ano de aventuras! Algunha cariña non se vos fai familiar? Claro, e que este curso temos un novo compañeiro! Xa somos 25! Chámase Alejandro e únese ao club dos Pondaliñ@s de 5 anos! Para darlle a benvida, agasallámolo cuns debuxos que xa levou para a súa casa transformados nun pequeno libriño! Agardamos que che gustasen moito! Benvido Alejandro! Pero isto non foi todo no día de hoxe, ademais de descubrir e estrear os novos recantos e o seu novo mobiliario e material, tamén decoramos os nosos novos manteis. Para iso, antes de nada, recordamos un conto ben coñecido por todos nós: 'A que sabe a lú...

Esta mañá, despois das rutinas, recordamos a historia de "Unha eiruga moi larpeira", a mesma c oa que o curso pasado aprendemos máis sobre as caterpillars con Teacher. Sabedes por que o fixemos? Pois porque nos nosos novos manteis nos transformamos nuns larpeiros e nunhas larpeiriñas... Iso si, os nosos cocoons estaban demasiado brancos, pero con papeis de cores, tesoiras e pegamento pronto arranxamos isto! Mirade, mirade! Polo momento deixámolos a secar, pero seguro que mañá xa os podemos estrear!

O día de hoxe foi moi axetreado... Comezamos coma tódolos días, quitando chaquetas, mochilas e axendas, e poñendo mandilóns. Como aínda non temos rutinas nin encargado ou encargada (para a próxima semana xa si!), sentamos na alfombra e comprobamos todo o que recordabamos do curso pasado: do outono e a cabaciña, do Nadal e o Apalpador, do inverno e os esquimós, da primavera e as caterpillars... Tamén cores, formas, letras e números! E, por suposto, as normas da clase! A profe tamén nos dixo que nos irá ensinando, pouquiño a pouco, como xogar a tódolos novos xogos que temos nos nosos recunchos. Hoxe foi a quenda dun Memory xigante! Aquí tedes o antes e o despois, fixémolo fenomenal e participamos tódalas nenas e tódolos nenos da aula! A profe tamén nos recordou que o próximo domingo é o aniversario da nosa compañeira Daniella. Como non a podemos felicitar en persoa, decidimos enviarlle unha postal cunha mensaxe moi bonita e moitos bicos cheos de amor! Pasounos o temp...

Como ben sabedes, no día de onte comentamos cos nosos compañeiros e compañeiras todo o que fixemos durante os meses de verán. E hoxe tocou debuxalo... Botamos a vista atrás e nunha cartolina con forma de ollo, despois de identificalos co noso nome, fixemos os nosos debuxos cos lapis e as ceras novas. Cando rematamos, estreamos tesoiras e cortamos as pestanas, para logo pegalas ao noso ollo de verán. Mirade que ben o facemos! E mentres nós enchiamos as nosas barrigolas no comedor, a profe encargouse de colocar as nosas obras de arte na cortiza para que calquera que nos visitase as puidese admirar! Seguro que mañá levamos unha agradable sorpresa cando entremos de novo na aula!

Despois de case tres meses sen vernos, hoxe foi o día dos reencontros: entre compañeiros e compañeiras, cos mestres e mestras, co conserxe, coas cociñeiras e as colaboradoras de comedor, cos condutores e as coidadoras de autobús... E, por suposto, con Teo! Aquí vos deixamos a nosa primeira fotografía deste novo curso! Nada máis chegar ao cole descubrimos algún que outro cambio no patio, e tamén nos demos conta de que este ano xa somos veteranos, e temos un novo lugar no que facer a fila! Xa na nosa clase, enterámonos de que o pillabán de Teo cambiou os nosos carteis, e xa non nos sentamos no mesmo lugar que o curso pasado. Moi pronto descubriredes quen nos acompaña agora nas nosas mesas... Despois de gardar o que trouxemos nas mochilas (mandilóns, gorras...) sentamos na alfombra, e decidimos facer un xogo de presentación coa nosa mascota, xa que neste novo curso temos un novo compañeiro que se chama Mario. Estamos moi contentos por esta noticia, pero a profe dounos outra que xa...