O blog dos Pondaliñ@s

Os Pondaliñ@s de 5 anos e a ANPA do CEIP Eduardo Pondal querémosvos desexar unhas felices festas e unha moi boa entrada de ano acompañados de tódala xente que máis vos quere!

Como xa lle anunciamos onte ao Capitán Nemo, hoxe tocaba solucionar a outra dúbida que nos formulou o comandante do Nautilus: Cantos brazos utilizan as estrelas de mar para moverse? Xa sabíamos que, ademais de para respirar e alimentarse, tamén empregan os pés ambulacrais para desprazarse. Iso si, sobre o número de brazos que usan as estrelas para moverse non tiñamos nin idea e as hipóteses foron moi variadas. Así pois, decidimos consultar algún dos libros de información da nosa aula e tamén ler algúns artigos de varias páxinas web. Queredes saber que aprendemos? Pois mirade o vídeo que lle enviamos ao Capitán Nemo! Aquí vos deixamos un dos vídeos que vimos para analizar o movemento destes equinodermos! E ao falar de brazos, aproveitamos para coñecer novas especies de estrelas de mar, de múltiples formas, cores e número de brazos. Buscamos varias imaxes na rede, e vimos vídeos coma o seguinte: Con todo o aprendido, ademais de mandarlle estas mensaxes ao comandan...

Como ben sabedes, no día de onte a ANPA  da nosa escola regalounos a actuación do mago Pedro Bugarín . Hoxe, queremos compartir con vós novas imaxes do seu espectáculo realizadas pola mamá do noso compañeiro Roi. Aquí volas deixamos! Agardamos que vos gusten! MAGO PEDRO BUGARÍN!

Esta mañá, grazas á ANPA  do noso colexio, coñecemos ao mago Pedro Bugarín  e moitos dos seus trucos de maxia! Pasámolo estupendamente ben e rímonos a gargalladas! Algúns incluso levamos cousiñas que usou nos seus trucos para as nosas casas! Aquí nos tedes antes da súa actuación! Ademais, un dos Pondaliñ@s de 4 anos, Nizar, foi escollido como axudante polo mago Pedro, e aquí vos deixamos o vídeo da súa actuación!

Esta tarde visitamos o Edificio das Escolas para presenciar a actuación de Zaira, Marta, Mario, Martina, Lucía e Noa! Os seis acoden a "Xogando coa lingua", a actividade de inglés promovida pola ANPA da nosa escola. No día de hoxe quixéronnos agasallar cunhas panxoliñas de Nadal xunto ás demais nenas e nenos que con eles acoden a estas clases! E aquí nos tedes aos demais Pondaliñ@s! Por suposto, non nos quixemos perder este momento tan importante para elas e eles! Mirade que ben o fixeron! Ademais, aproveitamos para comentarvos que a semana pasada realizamos as últimas fotografías para o noso catálogo de xoguetes! No día de hoxe démoslle as últimas pinceladas e temos algo que anunciar: O NOSO CATÁLOGO DE XOGUTES ESTÁ A PIQUES DE SAÍR Á LUZ!

Esta mañá, na biblioteca da nosa escola, grazas á ANPA do CEIP Eduardo Pondal recibimos unha demostración de robótica por parte dunha profe moi simpática que se chamaba Alba. Coñecemos moitos tipos de robots e todo o que eles facían. Gustounos tanto e estivemos tan atentos que pensamos que van ser moitos os nenos e nenas que se apunten a esta actividade. Tamén nos puxemos moi contentos cando a mestra Rocío nos mostrou a bee-bot que nos acompañará durante este curso para seguir aprendendo e divertíndonos na nosa clase. No día de hoxe, ademais, fixemos unha animada manualidade relacionada co noso proxecto sobre os caracois. Primeiro decoramos unha folla coas cores de outono. Logo, con plastilina fixemos un churriño e démoslle forma de "L" para pegalo á nosa folla. Cando xa estaba ben suxeita, escollemos entre noces e castañas para transformalas nas cunchas dos nosos caracois. Por último, colocamos un par de pauiños a modo de cornos ou tentáculos e a profe axudounos cos oll...

A mamá do noso compañeiro Roi, como membro da ANPA, foi a encargada de filmar a actuación do Mago Álex! Grazas a tódolos seus vídeos, agora podemos compartir con tódalas familias un pequeniño resumo do que foi ese día tan especial...

Esta mañá, grazas á ANPA do noso colexio, quedamos máis que abraiados cos trucos de maxia de Álex, un simpático mago carballés co que o pasamos estupendamente! Foron moitos os nosos xestos de sorpresa, pero moitas máis as gargalladas que nos botamos con el! Sen dúbida, a mellor maneira de pechar a temática deste ano: o circo!

No día de onte, cada un dos Pondaliñ@s levou para a súa casa unha bolsa chea de cousas: os nosos traballos do 1º trimestre, as notas, unha bóla de Nadal con moedas de chocolate no seu interior, un globo e... UNHA FOTO CHULÍSIMA QUE NOS REGALOU A ANPA DO COLE! Á profe gustoulle tanto que xa a ten enmarcada na súa casa! Como tamén ten un pelín de enchufe coa ANPA (Moitas grazas ás mamás de Roi e Noa!), conseguiuna en formato dixital para mostrarlla a todos os que seguen o blog, e tamén para que cada familia lla mostre a aqueles familiares e amigos que teñan lonxe, porque non se poden perder esta preciosidade! FELICES FESTAS!