O blog dos Pondaliñ@s

Onte, 23 de abril, celebrouse o 'Día do Libro'. Por mor do mal tempo, as actividades que tiñamos previstas na nosa escola para conmemorar esta xornada pospuxémolas para a vindeira semana, mais esta mañá o Concello de Ponteceso  agasallounos cun contacontos para festexar este día tan especial. Da man da compañía "A Trastenda dos Contos" e de Felipe Díaz, ao que nós coñecemos como Caxoto Contacontos , a nosa biblioteca encheuse dos contos e cantigas que protagonizan "Contos vellos, novos finais" . Estas historias, ademais de divertirnos, fixéronnos reflexionar sobre a igualdade entre mulleres e homes a través de distintas personaxes de conto coma o lobo feroz, Carrapuchiña e a súa avoa, os tres porquiños ou os sete cabritiños. Aquí vos deixamos un cachiño do que hoxe ocorreu na nosa biblioteca:

Fai tempo que aos Pondaliñ@s de 5 anos nos invitaron a formar parte da campaña "Quen dixo medo?" , un programa de sensibilización contra a violencia de xénero. Esta mañá, na nosa aula recibimos a Raquel e a Sandra, que viñeron contarnos "Quérote case sempre" , a historia de amor entre Rita e Lolo, dúas personaxes que a pesar de ser moi diferentes quérense moito e adáptanse un ao outro para vivir en harmonía. Despois duns minutos de conversa e reflexión, propuxéronnos crear aos nosos Lolos e Ritas particulares, así que nos puxemos mans á obra... Entre coloreado e coloreado pegámoslle ollos: Logo, colocámoslle as antenas: Por último, decorámolas con pompóns e pegámoslle un depresor para transformalas en monicreques: E este foi o resultado final: Gustounos moito esta experiencia e pasámolo xenial! Agora só queda conseguir o libro para a nosa biblioteca de aula e así seguir reflexionando sobre este tema tan importante. Moitas grazas...

O Nadal, unha das nosas festividades favoritas, está a piques de comezar, e algo que non pode faltar nestas datas é unha árbore cheíña de decoración. Para este Nadal, a nosa árbore conta cunhas bólas decoradas nas que tódolos nenos e nenas do CEIP Eduardo Pondal escribimos os nosos desexos.  Por suposto, os Pondaliñ@s de 5 anos tamén creamos as nosas. Antes de nada, reunímonos en asemblea e reflexionamos sobre o afortunados e afortunadas que somos, e pensamos no que poderían desexar todas aquelas persoas que teñen moito menos do que nós temos. Así pois, pouco a pouco e axudándonos no vídeo que realizamos para conmemorar o 'Día Universal da Infancia' , fomos recollendo un e mil desexos que xa forman parte da nosa árbore de Nadal. Oxalá algún día non sexa necesario desexar nada disto...  Neste Nadal os Pondaliñ@s de 5 anos desexamos... Boa vida no mundo; Agasallos para todo o mundo; Traballo para todo o mundo; Familia para todo o mundo. Escolas en todo o mundo; ...

Aquí vos deixamos a iniciativa na que participamos xunto a outros moitos centros de toda Galicia. No CEIP Eduardo Pondal tamén rexeitamos a violencia!

Dende que iniciamos a nosa andaina nesta escola intentamos inculcar a idea de que a pesar das nosas diferenzas, todas e todos debemos ter os mesmos dereitos e tratarnos en igualdade de condicións. Fixémolo a través de diferentes iniciativas coma os contacontos e dramatizacións, a creación dun catálogo de xoguetes igualitario ou a introdución de mulleres como Valentina Tereshkova como guías e protagonistas dos nosos proxectos. P ero sobre todo, intentámolo facer cada día, resolvendo os múltiples conflitos que se xeneran en relación con isto, xa que é nesta idade cando se comezan a afianzar eses estereotipos sexistas que para nada axudan a lograr o mundo ao que un día aspirou a filósofa e activista Rosa Luxemburgo coa súa célebre cita: "Por un mundo onde sexamos socialmente iguais, humanamente diferentes e totalmente libres". As nenas e nenos son o noso futuro, e só a través da educación conxunta e colaborativa de familias, escolas e sociedade poderemos transformar este mun...

Hoxe, 20 de novembro, conmemórase o 'Día Universal da Infancia' e desde a semana pasada, na aula de 5 anos estivemos falando do que significaba a palabra 'dereito' e coñecemos os que como nenas e nenos nos corresponden. Para conmemorar este día, tódolos alumnos e alumnas do noso colexio nos xuntamos para reivindicar os dereitos da infancia. Os Pondaliñ@s de 5 anos escollemos o 'Dereito de Igualdade', pero son 9 máis os que nos pertencen. Aquí vos deixamos o resultado final. Tamén podedes atopar este vídeo na web da nosa escola. Agardamos que vos guste!

Esta tarde visitamos o Edificio das Escolas para gozar da actuación dos nenos e nenas da Escola Municipal de Teatro. Aquí nos tedes antes do comezo do gran espectáculo: Non botades en falta a ninguén entre o público? Claro que si, pois a nosa compañeira Zaira xa estaba entre bambalinas por ser unha das protagonistas da obra de teatro que estabamos a piques de ver! As nenas e nenos de Ponteceso representaron a adaptación dunha das obras máis coñecidas de María Victoria Moreno, a escritora galardoada este ano no Día das Letras Galegas. O conto infantil leva por título " Cataventos " e en clave de humor fálanos da igualdade entre mulleres e homes a partir da historia dun galo fachendoso e arrogante que non atura que unha galiña o supere e sexa máis ca el. Aquí vos deixamos algunhas imaxes da nosa compañeira Zaira durante a interpretación do seu papel nesta obra de teatro. Ela representaba a unha das poliñas que o galo empregaba como escalón para subir ao alto campan...

Onte, 8 de marzo, celebrouse o Día Internacional da Muller. Na aula de 4 anos, fai uns días que a mestra nos presentou a Maruxa e a Coralia Fandiño Ricart, máis coñecidas como "As Marías", e durante esta semana estivemos aprendendo máis sobre a súa vida e sobre o importante que foron para a cidade de Santiago de Compostela e para o mundo en xeral. Ademais, aproveitamos para reflexionar sobre a igualdade, centrándonos especialmente na repartición das tarefas do fogar, relacionándoo directamente cos xoguetes infantís, recordando o catálogo igualitario que creamos un pouquiño antes de Nadal...  Estas pequenas grandes mentes son as mentes do futuro, as encargadas de construír un mundo mellor, e só poderán facelo se estas construtoras e estes construtores chegan ao día de mañá cargadiñas e cargadiños de ilusión e valores positivos. Dende a escola intentamos poñer o noso granciño de area para conseguilo día a día, non só o 8 de marzo, e é por iso polo que na nosa aula as cores e...

Despois de varias semanas de traballo, por fin podemos anunciar que... AQUÍ ESTÁ O NOSO CATÁLOGO DE XOGUETES IGUALITARIO! Como ben sabedes, a raíz do 25N, na aula de 4 anos comezamos a falar sobre algunhas das inxustizas e desigualdades que observamos en moitos catálogos de xoguetes: Por que o rosa é cor de nenas e o azul cor de nenos? Por que as nenas só aparecen en determinados xogos e con determinados xoguetes e os nenos con outros moi distintos? Tendo en conta estas preguntas, reunímonos en asemblea e debatimos sobre esta problemática. Decidimos analizar varios catálogos de xoguetes e observamos que tristemente isto se repetía na gran maioría deles... Entón, a profe propúxonos crear o noso propio catálogo evitando estes estereotipos sexistas e, como non podía ser doutra maneira, aceptamos o reto! Antes de nada tiñamos que organizar o noso catálogo, e para iso guiámonos por un que nos trouxo a nosa compañeira Martina dunha antiga tenda de Carballo chamada "Don Dino"....

Esta tarde visitamos o Edificio das Escolas para presenciar a actuación de Zaira, Marta, Mario, Martina, Lucía e Noa! Os seis acoden a "Xogando coa lingua", a actividade de inglés promovida pola ANPA da nosa escola. No día de hoxe quixéronnos agasallar cunhas panxoliñas de Nadal xunto ás demais nenas e nenos que con eles acoden a estas clases! E aquí nos tedes aos demais Pondaliñ@s! Por suposto, non nos quixemos perder este momento tan importante para elas e eles! Mirade que ben o fixeron! Ademais, aproveitamos para comentarvos que a semana pasada realizamos as últimas fotografías para o noso catálogo de xoguetes! No día de hoxe démoslle as últimas pinceladas e temos algo que anunciar: O NOSO CATÁLOGO DE XOGUTES ESTÁ A PIQUES DE SAÍR Á LUZ!

Esta mañá por fin rematamos o noso "Libro de Matisse" inspirado no conto " As tesoiras de Matisse ". Como non podía ser doutra maneira, transformámonos en pequenos pintores creando estas fantásticas obras de arte con diferentes papeis de cores e formas moi distintas. E estes foron os nosos resultados: Xabi : "Nave espacial con alieníxenas" Claudia : "Peppa Pig" Leila : "Barco pirata no mar" Naia : "Parque" Aroa V. : "Ferramentas de Matisse" Hugo : "Caracol nunha xesta" Lucía : "Adornos de Papá Noel" Mariña : "Flores no xardín" Andrea : "Dragón na montaña" Izan : "Serpes na selva" Alejandro : "Robot na selva" Zaira : "Río con follas" Noa : "Cama nunha casa" Lucas : "Roupa tirada" Roi : "Máquina de ratos" Brais P. : "Roupa caendo ao mar" Marta : "Árbor...

No día de hoxe continuamos completando o noso catálogo de xoguetes utilizando e analizando algunha das súas imaxes! Desta vez tocou abordar os diferentes apartados diferenciando aquilo que nos parece xusto e aquilo que non o é. Estas foron as nosas conclusións: CORES PELUCHES E BONECAS COCIÑAS E SUPERMERCADOS PERRUQUERÍA E MAQUILLAXE MEDIOS DE TRANSPORTE CONSTRUCIÓNS DEPORTES VEHÍCULOS XOGOS DE MESA DISFRACES Ademais, decoramos mandalas de Nadal que colgaremos no corredor xunto aos adornos que trouxemos das nosas casas! Iso si, aínda temos que darlle o toque final, xa veredes... Igualmente, esta tarde o Equipo de Dinamización da Lingua Galega do noso colexio, e do que forma parte a nosa profe, escolleu as postais gañadoras que protagonizarán o calendario do ano 2018, e aínda que a da nosa clase non resultou vencedora estamos moi contentos e contentas porque nos quedaron así de bonitas despois de tantos días de esforzo e ...