O blog dos Pondaliñ@s

Esta mañá, xusto ao volver do recreo, atopamos unha nova mensaxe do Señor do Tempo... Como podedes ler, ao Señor do Tempo encantáronlle os nosos brazaletes de superheroínas e superheroes, polo que a nosa terceira misión estaba máis que superada e xa podíamos abrir a porta número tres! Así o fixo Lucas, o noso encargado de hoxe: Mais superado un reto, sabemos perfectamente que unha nova misión está esperando por nós... Nesta nova carta o Señor do Tempo pediunos que recordásemos todos os superheroes e superheroínas que xa coñecemos e, sobre todo, que busquemos información para descubrir aqueles outros que aínda son descoñecidos para nós... Por suposto, puxémonos mans á obra! Comezamos cunha chuvia de ideas para descubrir a quen coñecíamos, e para facelo un chisquiño máis divertido xogamos á "Pataca Quente"! Rapidamente, cada Pondaliñ@ tiña que dicir en alto o nome dalgunha superheroína ou dalgún superheroe que coñecese, pasándolle a pataca ao compañeiro ou compañeir...

Esta mañá tan pronto como entramos na nosa aula atopámonos con todo isto sobre a nosa alfombra... O Señor do Tempo estaba de volta! Como dubidalo? E como ben nos di na carta que nos deixou, o primeiro reto está superado, así que procedemos á apertura da primeira porta... Que nervios! Mais isto non foi o único que nos pediu... A segunda misión estaba esperando por nós: Poderíamos descubrir o tipo de roupa e outros elementos que usan os superheroes e as superheroínas para salvar o mundo? Por suposto, aceptamos o reto e puxémonos mans á obra! Desmontamos o recuncho do proxecto e buscamos e rebuscamos para recompilar toda a información que nos pediu o Señor do Tempo. Aquí nos tedes en pleno proceso: E estes foron os magníficos resultados das nosas investigacións. O Señor do Tempo vai quedar máis que satisfeito! Que opinades? E todo isto foi posible grazas a todo o material que xa temos na aula. Aquí vos deixamos as aportacións que a semana pasada ...

No día de onte visitamos unha das aulas veciñas para que os nosos compañeiros e compañeiras de 3 anos xunto á súa mestra Susana nos falasen da muller que protagoniza o mural que leva días colgado xunto á súa porta e que tanta curiosidade nos producía! Por suposto, recibíronnos moi amigablemente, e de maneira moi amable ofrecéronse a explicárnolo no corredor. Foi deste xeito como coñecemos a Wangari Maathai, unha muller africana que fixo a paz coidando a natureza. Xunto a outras mulleres de Kenia, encargouse de repoboar zonas que foran completamente taladas para transformalas de novo en grandes bosques. E por este motivo, no ano 2004 déronlle o Premio Nobel da Paz! Desta maneira, os Pondaliñ@s de 3 anos explicáronnos todo o que coñecían desta gran muller de paz e da importancia que teñen as árbores para todo o planeta! Pareceunos moi importante o labor que realizou Wangari Maathai, así que decidimos investigar máis sobre ela... Esta mañá, nada máis chegar á nosa aula, escoit...

No día de hoxe realizamos as primeiras rutinas do ano 2019, e foi aquí onde descubrimos que xa estabamos no inverno! Para celebrar a chegada da nova estación creamos unhas fermosas paisaxes invernais. Primeiro, con acuarelas decoramos o noso ceo de inverno. Mentres secaban, picamos algunha que outra silueta propia desta época do ano. Logo, pegámolas de maneira libre para darlle forma á nosa paisaxe. E, por último, cuns bastonciños enchemos o cadro de copiños de neve. Aquí nos tedes en pleno proceso! E estes son os resultados finais! Seguro que mañá xa están sequiños para que poidamos darlle título e inventar algunha que outra historia coas siluetas que os protagonizan. Xa vos contaremos! Agardamos que vos gusten! Pero isto non foi todo o que fixemos no día de hoxe... Como xa vos anunciáramos no día de onte, esta mañá, despois das rutinas da encargada, o que tocaba era estrear un xogo de lectoescritura que nos regalou o Apalpador! Hoxe xa o inauguramos algúns de ...