O CARACOL EQUILIBRISTA!
Esta fin de semana a profe Rocío foi de compras e hoxe trouxo novos xogos á nosa aula! Despois das rutinas do encargado, estreamos o primeiro deles... Un xogo de equilibro onde con moito tino e moita paciencia tivemos que construír a cuncha dun caracol seguindo as cores que nos tocaban ao tirar o dado! Precisamos de dúas quendas para participar os vinte Pondaliñ@s que hoxe viñemos ao cole, e das dúas creamos a cuncha sen que se nos caese ningún cilindro!
Pasamos a mañá realizando algún que outro traballiño na nosa mesa, coñecendo máis da letra "u" e ampliando o noso "Libro dos Caracois". Xa pola tarde, coma tódolos luns, visitamos a biblioteca da nosa escola, e alí coñecemos o segundo xogo do día: uns Halloween story cubes ou dados de crear historias de Samaín. Mentres os demais líamos contos, a mestra chamaba a un pequeno grupo para que inventase e escribise parte da historia que entre todos e todas crearemos para conmemorar esta festividade que tanto nos gusta.
Comezaron Alonso, Martina e Brais Martínez coa primeira páxina do noso conto de Samaín. Nos dados apareceu un fantasma e unha tea de araña. Grazas a eles, a nosa historia comeza así: "Había unha vez unha araña que vivía nunha tea de araña e que quería picar a un fantasma".
Seguiron Nizar e Aroa Penedo, aínda que a este grupo tamén pertence o noso compañeiro Mario. A eles tocoulles unha vela e un ataúde, e así seguiu a nosa historia: "O fantasma foi a un ataúde a coller unha vela".
Brais Pérez, Noa e Roi tiraron o dado e do que deles saíron foi un morcego e un Uuh uuuhh. Con isto, o noso conto de Samaín continuou así: "O ataúde estaba na cova dun morcego. Ao velo o fantasma asustouse e dixo Uuh uuuhh".
Os seguintes foron Lucas e Zaira, aínda que a este grupo tamén pertence a nosa compañeira Marta. Coa tirada de dados alí viron un ollo con patas e unha bruxa con vasoira, e a nosa historia así avanzou: "O fantasma tamén se asustou dun ollo que quería comer a vasoira da bruxa".
Hoxe non nos dou tempo de máis... Continuaremos mañá, así que estade atentos ao blog se queredes saber como segue este conto de Samaín!
Xa para rematar o día, a nosa compañeira Aroa Vega alimentou aos nosos caracois con esa cenoura que tanto lles gusta!
Pasamos a mañá realizando algún que outro traballiño na nosa mesa, coñecendo máis da letra "u" e ampliando o noso "Libro dos Caracois". Xa pola tarde, coma tódolos luns, visitamos a biblioteca da nosa escola, e alí coñecemos o segundo xogo do día: uns Halloween story cubes ou dados de crear historias de Samaín. Mentres os demais líamos contos, a mestra chamaba a un pequeno grupo para que inventase e escribise parte da historia que entre todos e todas crearemos para conmemorar esta festividade que tanto nos gusta.
Hoxe non nos dou tempo de máis... Continuaremos mañá, así que estade atentos ao blog se queredes saber como segue este conto de Samaín!
Xa para rematar o día, a nosa compañeira Aroa Vega alimentou aos nosos caracois con esa cenoura que tanto lles gusta!
Que xogo mais divertido!!!moi ben o pasades😁😁. Moito me gusta a idea de ese conto ideado por toda a aula.Mañan xa irá Mario o cole que hoxe estabase recuperando de unha gastro q lle atacou o finde😷.Noraboa a todolos Pondaliños e A profe por todo o q fai con eles👏
ResponderEliminarO xogo do caracol gustoulles moito e xa o temos instalado no recanto dos caracois para que poidan xogar cando queiran 🐌 O conto de Samaín seguro que lles queda fenomenal, a ver con que final nos sorprenden 🎃 E por suposto que mañá ten que vir Mario ao cole, que nunca se viu un cumple sen o cumpleañero 😂
Eliminarasi calquera vai contento o cole!!! quen fora nenooo!! pero que guaii !! cantas cousiñss! deeando conocer o final desa historiaaa de medooooooooooo jijijiji
ResponderEliminar