CREAMOS O NOSO PROPIO UNIVERSO!

Esta mañá, nada máis subir do recreo, vimos que algo ocorrera na nosa alfombra... Mirade que apareceu nela! Xunto a 25 botes cunhas tapas cheas de estreliñas e purpurina, atopábase unha caixa chea de material moi diverso: algodón, auga, colorantes, xeringas, recipientes... E xunto a todo isto, un par de exemplos do que estábamos a punto de crear... O NOSO PROPIO UNIVERSO! Máis concretamente, unha colorida e brillante nebulosa que formará parte do noso particular Universo!

Emocionámonos moitísimo ante a idea de crear o noso propio Universo, así que aceptamos este novo reto e puxémonos mans á obra!

Coa axuda das mestras, fomos creando a nosa propia nebulosa. Primeiro, coas xeringas e o colorante, tinguimos a auga de tres cores diferentes: vermello, azul e violeta. Logo, enchoupamos moito algodón neses recipientes e fómolo introducindo nos botes mentres tamén esparcíamos un montón de purpurina plateada no seu interior. E, por último, xabucamos ben o bote para que todo se misturase e así obter o noso propio Universo! Aquí vos deixamos unhas imaxes deste proceso!

E aquí tedes o resultado final! Agardamos que vos gustasen!

Mirádeas en conxunto, son espectaculares! 

Nós quedamos na aula cos dous exemplos que nos enviou o Señor do Tempo, xa que con actividades coma esta estamos aprendendo máis do Universo e, polo tanto, avanzando no rescate de Valentina Tereshkova. A partir de agora usarémolos tamén a modo de "Frascos da calma Montessori" para relaxarnos cando esteamos demasiado nerviosos na aula. Aínda non sabemos como, mañá descubrirémolo, e así tamén nos poderemos tranquilizar cando na casa esteamos un pouquiño máis inquedos do habitual. Xa vos contaremos!