DASH PRECISA DA NOSA AXUDA!

Despois de varias semanas de investigación e aprendizaxe sobre o mundo dos superheroes e das superheroínas, os Pondaliñ@s de 5 anos fomos quen de superar tódolos retos que nos propuxo o Señor do Tempo!

Así pois, hoxe puidemos abrir a porta número oito, a última da casiña que nos deixou! E como non podía ser doutra maneira, o Señor do Tempo cumpriu coa súa palabra e desvelounos a misión ultrahipermegaimportante e secreta que tiña para nós!

Sabíamos que tiñamos que axudar a alguén... Pero a quen? Que problema tiña? Como o podíamos solucionar? Estas e outras moitas preguntas rondaban pola nosa mente, e hoxe por fin puidemos contestalas a todas!

Estade atent@s ao seguinte vídeo, nel descubriredes quen precisa da nosa colaboración para solucionar un problema ben importante...

Efectivamente, era Dash Parr quen nos necesitaba! E, por suposto, aceptamos a misión sen dubidalo e puxémonos mans á obra... Tantas ideas se nos viñan á mente que a profe non era capaz de seguirnos o ritmo! Creamos unha lista de dúbidas tan longa que enchemos un folio enteiro polas dúas caras!

Estas son as dúbidas que recollemos:

AULA

• Imos ter Teos? Ou algunha mascota?
• As mesas están separadas ou por equipos?
• Imos ter PDI?
• Imos ter recunchos?
• Imos ter xogos dentro da clase? Cando podemos xogar con eles?
• Imos ter quebracabezas? Cando podemos xogar con eles?
• Imos ter contos para ler? Cando os podemos ler?

MESTR@S

• A nosa profe ímola coñecer? É algunha das que xa está no cole?
• Quen van ser os profes de Inglés, Música, Educación Física e Relixión?
• Os profes vannos poñer deberes?

MANEIRA DE FACER

• Imos ter normas na clase?
• Imos ter que traballar moito?
• Temos que ter mandilóns na clase?
• Temos que ter gorras na clase?
• Como teñen que ser as mochilas?
• Necesitamos carpetas?
• Cantas libretas temos que ter?
• Imos facer rutinas pola mañá? Vai haber un encargado?
• Imos aprender por proxectos?
• O Señor do Tempo vai estar en 1º?
• Que asignaturas imos ter?
• Imos facer fichas ou exercicios en libros e libretas?
• Vannos facer exames?
• Imos celebrar os cumples na clase?
• Merendamos na clase ou no patio?
• Podemos levar o que queiramos de merenda ou o que nos manden?
• No recreo imos para o patio dos pequenos ou dos maiores? Podemos xogar ao fútbol?
• No recreo podemos xogar no parque?
• Vai haber excursións? Imos ir de excursión cos nen@s de Infantil?
• Podemos ir ao Club de Ciencias?

E a máis reflexiva de todas: A clase cambia moito de 5 anos a 1º? Aos nen@s gústalles ir para 1º?

Xa vedes que os nenos e nenas de 5 anos teñen moitas dúbidas con respecto a 1º de Primaria, pero o que os Pondaliñ@s aínda non saben é que estas cuestións non só axudarán a Dash, senón que tamén lles axudarán a el@s a entender un pouquiño máis en que vai consistir este cambio. Tódalas súas dúbidas serán resoltas por unhas persoas moi especiais nun lugar moi especial. Mañá descubriredes de quen falamos e a onde iremos...