DURANTE OS PRÓXIMOS MESES APRENDEREMOS MÁIS SOBRE...

Despois duns días cavilando, no día de hoxe chegamos a un acordo en asemblea... Sobre que queremos aprender nas próximas semanas? Pois sobre uns animaliños que levamos observando cada vez que baixamos ao patio e que espertan a nosa simpatía e, por suposto, a nosa curiosidade... Seredes quen de adiviñar de que animais falamos escoitando esta canción?

Unha vez que decidimos que os caracois serán os nosos mellores amigos durante as próximas semanas, pensamos en todo aquilo que xa sabemos deles, e tamén todo o que nos gustaría saber... Falamos e falamos, e este foi o resultado!

Agora, as nosas inquedanzas xa se atopan na cortiza para poder falar delas cada vez que nos sentemos na alfombra... Tamén deixamos lugar para colocar toda a información que vaiamos atopando durante o desenvolvemento deste proxecto!

Moi pronto visitaremos a Cleo para ver que atopamos na biblioteca, a profe tamén comezará a traer cousiñas á aula, pero o máis importante será o que nós atopemos nas nosas casas coa nosa familia. Por este motivo, eviamos unha carta a través da nosa axenda pedindo a vosa colaboración. Necesitamos todo o que se vos ocorra relacionado cos caracois (libros, contos, cancións, vídeos, xogos, manualidades...), iso si, recordade que todo ten que vir con nome para non extraviar nada. Aquí vos deixamos a nota que escribiu a nosa encargada de hoxe para a súa familia!

Como ocorreu o curso pasado cos esquimós ou as caterpillars, desta vez tamén lle dedicaremos un recuncho da aula aos caracois, e para identificar esta zona, aproveitamos o soliño de despois do patio para decorar letras e debuxos alusivos. Por parellas que nós mesmos escollemos de maneira libre puxémonos a traballar...

Xabier e Alonso decoraron a letra "A" e Alejandro e Lucas a letra "C".

Mario e Brais M. decoraron a letra "S", Mariña e Naia a letra "O" e Leila e Claudia a letra "R".

Hugo e Nizar decoraron a letra "S", Martina e Lucía un caracol e Noa e Aroa V. o outro caracol.

Andrea e Izan decoraron a letra "I" e a "O", Zaira e Marta a letra "C" e Brais P. e Roi a letra "A".

Aquí estamos todos!

Despois de decorar, recortar e pegar, así quedou o noso Recanto dos Caracois, listo para acoller tódalas cousiñas que traiamos das nosas casas!

Xa para rematar este día tan caracoleiro, decoramos as portadas do noso "Libro dos caracois". O que máis nos gustou foi pintar con garfos, menudo xardín nos quedou!