O blog dos Pondaliñ@s

O 2º trimestre deste curso xa rematou, e tódolos traballiños que fomos realizando durante estes meses están gardados nesta carpeta tan exipcia. Para crear a súa portada, a profe transformou aos Pondaliñ@s en monarcas exipcios, e xunto á nosa fotografía colocamos un cachiño do papiro que creamos días atrás, e no cal debuxamos un peixe... Sabedes por que o fixemos? Pois porque o peixe era o amuleto dos nenos e das nenas no Antigo Exipto! Por suposto, a nosa carpeta gardámola nunha bolsa, que nesta ocasión decoramos con tres coelliños de Pascua que fai uns días picamos! Gústavos? Agardamos que si! Aquí vos deixamos á nosa encargada de hoxe mostrando as nosas creacións! E falando de coelliños de Pascua... Sabíades que o teléfono da profe ten poderes máxicos? Si, si, si... Mirade, mirade! As nenas e nenos de 4 anos tamén queremos desexarvos unhas felices vacacións con estas simpáticas fotografías que sacamos esta mesma tarde!  E AGORA... A PASALO...

Esta mañá recibimos unha nova visita do Señor do Tempo, que nos deixou o oitavo selo nos nosos pasaportes por ter coñecido diferentes inventos exipcios e por crear algún deles, coma o papiro e a escritura xeroglífica. Desta vez propoñíanos saber máis dos deuses exipcios, e para iso deixounos un xogo de cartas e tamén unha máscara do noso deus favorito: Anubis. Por suposto, encantounos a súa proposta, e despois dunha mañá de traballo, así de realistas quedaron as nosas caretas: Ademais, tiñamos unha tarefa pendente da semana pasada... Realizar un taller de cociña! Como non podía ser doutra maneira, a receita tiña que estar relacionada co Antigo Exipto, polo que nos puxemos mans á obra para crear as nosas momias... 1º) Collemos unha rebanada de pan de molde. 2º) Colocamos unha loncha de xamón ou pavo sobre o pan. 3º) Esparcimos tiras de queixo a modo de vendas. 4º) Colocamos dúas aceitunas para darlle forma aos ollos. E despois disto... Xa temos as nosa...

Esta mañá, xunto aos nosos compañeiros e compañeiras de 3 e 5 anos, realizamos unha nova saída! Desta vez tampouco nos movemos de Ponteceso, xa que é na nosa vila onde se atopa o Museo Etnolúdico de Galicia (MELGA). Como podemos ler na súa páxina web , o MELGA é unha institución museolóxica de carácter permanente que ten como misión fundamental a conservación, investigación e difusión do patrimonio cultural galego relacionado co xogo tradicional, co deporte tradicional e coa historia do xoguete. Nel tamén se mostran obxectos e pezas de grande interese, procedentes de España e de pobos e rexións da xeografía mundial. Tendo como guía a Ricardo Pérez y Verdes, coñecemos e puidemos xogar con algunha das máis de 4000 pezas que alí se exhiben. Aquí vos deixamos un pequeno gran resumo do que foi o día de hoxe: SAÍDA AO MELGA!

Esta mañá recibimos unha nova visita do Señor do Tempo, quen nos deixou un novo selo no noso pasaporte: o reto dos xeroglíficos estaba superado! Iso si, a proba dos inventos xa estaba esperando por nós... A nosa primeira misión consistía en recordar e descubrir algúns dos inventos que realizaron os antigos exipcios para así completar o museo do noso corredor. Foi desta maneira como descubrimos, entre outros obxectos (como o arado, a serra, a balanza, os espellos, a  maquillaxe...), que os exipcios inventaran o cepillo de dentes! Entre todos buscamos as letras que necesitabamos e o xeroglífico ao que estas se asocian. Logo, imprimímolas, recortámolas, decorámolas e pegámolas na orde correspondente. Aquí vos mostramos o resultado final! Coñecíades vós esta curiosidade? Por suposto, un dos grandes inventos exipcios foi a escritura xeroglífica, e da súa man chegou o papiro! Sabedes que nos propuxo o Señor do Tempo? Crear o noso propio papiro xunto aos Pondaliñ@s de 3 e 5 anos...

Hoxe conmemórase o Día do Pai, e os Pondaliñ@s de 4 anos quixemos ter un pequeno detalle cos nosos papás que tanto nos queren e aos que tanto queremos! Durante estes días estivemos decorando os nosos lenzos para así crear unhas coloridas alfombras para o rato dos seus ordenadores, mais algúns Pondaliñ@s decidiron que lles gustaría máis ver as súas obras de arte colgadas nas paredes das súas casas coma un cadro... Calquera das opcións é válida, así que xa nos contaredes que ocorreu en cada fogar! Ademais, creamos unha tarxeta na que despois de anunciar que o noso é o mellor papá do mundo, tamén nos debuxamos xunto a el. Aquí nos tedes aos 24 Pondaliñ@s mostrando orgullosas e orgullosos os agasallos para os nosos pais! Feliz día papás! Agardamos que vos gustasen os nosos detalliños! Querémosvos moitísimo! DÍA DO PAI 2018!

No día de hoxe continuamos cos "Contos por bicos" e na nosa biblioteca recibimos unha visita moi especial. Esta mañá estivo con nós Reme, a mamá da nosa compañeira Mariña! Con ela recordamos un dos nosos contos favoritos, co cal traballamos o curso pasado durante varios meses para saber un pouquiño máis sobre o outono... Sabedes de que historia falamos? Claro que si, da protagonizada por unha velliña e tres feras, que como ben sabemos se titula... "Corre corre, cabaciña"! E ademais, conta cunha canción chulísima que xa aprendemos de memoria de tanto como a cantamos! Ao rematar, como non podía ser doutra maneira, botamos un montón de foguetes para celebrar o moito que nos gustou este conto... Por suposto, como agradecemento á mamá de Mariña, enchémola de bicos e achuchóns! Moitas grazas Reme, volve cando queiras! Pero a visita de Reme non quedou aquí... Pode que moitos non o saibades, pero antes de atoparse no colexio de Ponteceso, as profes Bea e ...

Esta semana adentrámonos no divertido mundo das sílabas, e como non podía ser doutra maneira, comezamos dividindo o noso propio nome. Palmadas veñen e palmadas van na aula de 4 anos! Mirádenos en acción esta mesma mañá: Ademais, aproveitamos para mostrarvos as últimas aportacións das familias, relacionadas co noso proxecto sobre o Antigo Exipto: Hugo mostrounos a espectacular maqueta da meseta de Guiza, na que se sitúan as tres grandes pirámides exipcias (Keops, Kefrén e Micerino), así como a esfinxe que leva o nome desta planicie. Aproveitamos para recordar a relación familiar entre os tres faraóns (pai, fillo e neto), e tamén comparamos o tamaño das tres pirámides porque menudo lío... A de Keops sempre foi a máis alta, pero a de Kefrén sitúase nun punto máis elevado da meseta de Guiza e por unha ilusión óptica sempre pareceu máis alta. Iso si, a día de hoxe é máis alta a de Kefrén porque a cúspide da pirámide de Keops se erosionou co paso do tempo. E falando de erosionar, nu...

No día de hoxe continuamos cos "Contos por bicos" e na nosa clase recibimos unha visita moi especial. Esta mañá estivo con nós Alejandro, o irmán maior da nosa compañeira Aroa! Con el coñecemos o libro " Cuentos para antes de despertar ", máis concretamente a historia de " Datruelo ", un trono ao que os seus compañeiros de cidade lle obrigaban a tratar mal aos demais fenómenos atmosféricos. Pero ao noso protagonista gustáballe bailar coa chuvia e saír de paseo co sol, mais sempre que isto pasaba os outros tronos o castigaban. Despois de moitos castigos, os tronos decidiron mandalo á Terra para facelo desaparecer, pero un chisquiño antes de tocar a atmosfera, o sol e a chuvia pedíronlle a unhas chispiñas de cores que rescatasen a Datruelo. Por iso, cando a chuvia e o sol saen ao mesmo tempo, no ceo podemos ver un arco de cores... É Datruelo, que decidiu non ir recto e loitou por ser diferente e lograr a felicidade!  Ao rematar, como non podía ser dou...