O blog dos Pondaliñ@s

No día de hoxe recibimos unha visita moi especial... Esta tarde seguimos cos "Contos por bicos", e sabedes quen estivo con nós? Eva e David, a mamá e o papá do noso compañeiro Hugo. Contáronnos moitas historias, entre elas "O emocionante día de Piti o caracol", "Os tres porquiños" e "Os sete cabritiños". Ademais, da súa boca puidemos escoitar un conto que coñecemos fai unhas semanas: "Por cuatro esquinitas de nada". Grazas a el puidemos falar da lección que nos dá cadradiño e os seus amigos redondiños, das actividades que realizamos estes días, de tódalas barreiras que existen no noso colexio e nas nosas casas e da maneira de cambialas... Tamén descubrimos que as persoas que van en cadeira de rodas poden conducir e contan con prazas de aparcamento especiais e que, por suposto, poden traballar, como fai o papá de Hugo creando vídeos para nenos e nenas coma nós. Gustáronnos moito tódalas historias, e ao remate de cada u...

Recordades os caracois que creamos o pasado venres no taller de cociña? Si? Pois hoxe escribimos a súa receita! Falamos do que significaba esta palabra e pensamos no que teríamos que escribir nela: ingredientes, preparación e resultado. Todos xuntos escribimos os ingredientes que utilizamos mentres recordabamos de maneira oral para que os empregamos, que fixemos con eles e os pasos que seguimos. Para rematar, recortamos unha fotografía co noso caracol que pegamos para darlle o toque final á nosa receita. Xa pola tarde, quedamos no patio e fixemos unha pequena reunión... Pensamos en tódolos lugares que día a día visitamos no noso cole: entradas, parque, areeiro, campo de fútbol, pavillón, campo de follas, edificio das escolas, patio cuberto, baños, piscina, comedor, hall, patio dos maiores, aula de cine, clases de infantil, baños, aula de música, biblioteca, aula de inglés, etc. Pero... Que pasaría se mañá tivésemos un novo compañeiro ou compañeira e viñese en cadeiras ...

Este venres foi o aniversario da profe Rocío, e para celebralo cantámoslle o "Cumpleaños feliz", axudámoslle a soprar as velas e enchemos as nosas barrigolas cunha rica tarta de chocolate que tamén compartimos cos nenos e nenas de 3 e 5 anos! Ademais, démoslle unha bonita sorpresa agasallándoa cunha preciosa foto grupal e co libriño dos seus caracois de 4 anos que realizaron ás agachadas co profe Xalo... Encantoulle! Moitísimas grazas! Para continuar coa diversión deste día, realizamos un taller de cociña no que creamos uns doces e ricos caracois...  Primeiro, untamos crema de chocolate nuns biscoitos de soletilla que se transformaron nos pés dos nosos caracois. De seguido, espolvoreamos virutas de chocolate sobre eles porque nos gustan moitísimo e sobrárannos algunhas do taller de cociña de Samaín. Logo, para que os nosos caracois puidesen ter cuncha, colocamos a metade dunhas mini-ensaimadas sobre os biscoitos. E, por último, partimos dous cachiños dun...

O de hoxe foi un día moi divertido no que lle dedicamos moito tempo aos xogos numéricos! Comezamos a mañá coas rutinas da encargada, neste caso Martina, a mesma que ao rematalas descompuxo o número 5! Logo, despois de recordar letras e números cos bits de intelixencia, xogamos cun dos quebracabezas que temos no recanto dos números! Aproveitando que pola mañá éramos vinte Pondaliñ@s na aula e vinte as pezas que tiñamos, a encargada repartiu unha peza a cada neno e á cada nena e comezou o xogo ao ter que buscar, por quendas, a nosa parella. Mirade que ben o fixemos! Xa por último, a nosa encargada, coa nosa colaboración, ordenou os números de maneira ascendente do 1 ao 10! Ademais, antes de merendar aínda tivemos tempo de completar unha páxina do noso "Libro dos caracois", no que tivemos que decorar un caracolario, recortar ovos de caracol, contalos, escribir a grafía... Despois da merenda, do recreo e da volta á calma, recordamos o con...