O blog dos Pondaliñ@s

Esta mañá, a nosa mascota de cor azul regresou á escola acompañado de Aroa, quen viña disposta a contarnos tódalas aventuras que viviron durante esta fin de semana... O venres, despois de chegar do colexio, Teo e Aroa descansaron no sofá vendo a televisión. Logo, a nosa compañeira presentoulle aos seus canarios: Carlitos e Lupita. O sábado, nada máis levantarse, a nosa mascota azul descubriu que Aroa tiña na súa casa... UN TEO DE COR ROSA! Que emoción! Unha vez listos, os dous Teos, Aroa, os seus papás e o seu irmán Kevin montáronse no coche. A onde irían? Á Coruña, pasar o día no Marineda City! Alí aproveitaron para sacar unhas fermosas fotos coa decoración de Nadal, e tamén para comer no Burger King. Mirade que guapos coas súas coroas! A Aroa tamén a viñeron visitar os seus curmáns maiores, e con Lucía e Alejandro estivo xogando toda a tarde do domingo. E non sabedes que pasou esta mañá? Menuda sorpresa levou a nosa compañeira cando a profe Rocío lle dixo que os coñecía, xa que...

Esta tarde, a nosa mascota de cor azul emprendeu unha nova viaxe e xa se atopa na casa de Aroa Penedo. Que aventuras lle esperan a Teo? Nuns días descubrirémolo todos xuntos! Seguro que o pasa fenomenal coa nosa compañeira, coa súa familia e cos seus amigos!

Esta semana a nosa mochila viaxeira viaxa á casa de... Iria! Goza moito con tódalas historias que aí se agochan, compañeira! Recórdaas ben porque o próximo venres terasnos que contar cal foi o conto que máis che gustou!

Como xa sabedes, a partir da próxima semana, o noso compañeiro Daniel será alumno doutro colexio, e alí terá novos mestres e novos compañeiros. Como non podía ser doutra maneira, hoxe despedímolo cunha gran festa! Comezamos cunha sesión de cine, con Mickey Mouse buscando un prezado tesouro xunto aos seus amigos! Aproveitando que estabamos na alfombra... Por que non sacar unha foto co noso amigo? Ou dúas... E que non pode faltar nunha gran festa? Pois unha gran merendola! Comezamos polos bocadillos e o biscoito que fixo a mamá de Daniel, e logo continuamos coas galletas, os gusanitos, as palomitas... E para acompañar, uns groliños de zume ou auga! E coas barrigolas ben cheas baixamos ao recreo! Aproveitando o bo tempo e que hoxe era un día especial, puidemos quedar un tempiño máis xogando no patio. Logo, sentados na pista de fútbol, entregámoslle a Daniel os nosos agasallos: o conto de "O monstro de cores", un Teo de cor amarela, un CD con f...

O Nadal está chegando, e moitos dos Pondaliñ@s xa temos as nosas casas decoradas! O noso cole tamén está listo para celebrar esta festividade que tanto nos gusta... Xa víchedes as zapatillas que forman parte da nosa árbore, tamén as postais que pronto estarán expostas na entrada da nosa escola, e agora podedes ver os elementos de Nadal que cada familia decorou cos seus fillos e fillas no noso corredor. Ademais, estreamos porta! Alí podedes ver neve, dúas árbores, unha estrela, un trineo de Papá Noel voando polo ceo, uns Teos disfrazados de Reis Magos... E o que máis nos gustou: os nenos e as nenas da aula de 3 anos transformadas en bólas de Nadal! Que vos parece a nosa decoración? Esperamos que vos guste!

Este mércores, a nosa mascota de cor azul volveu á nosa clase acompañada de Brais Pérez, dispostos a contarnos todo o ocorrido durante a fin de semana... O venres, tan pronto como chegaron da escola, Teo e Brais merendaron xuntos. Coas barrigolas ben cheas, a nosa mascota coñeceu á irmá do noso compañeiro, Olalla, e todos xuntos foron dar un paseo polo malecón, onde viron un montón de peixiños polo río. Tan pronto como volveron á casa ducháronse e cearon, e antes de durmir ben xuntiños, Brais ensinoulle a súa casa a Teo. O sábado, a nosa mascota acompañou a Brais e ao seu papá á casa dos seus avós, onde xogaron e comeron. Logo, foron ao supermercado e tiveron tanta sorte que alí lle regalaron uns ricos Chupa-Chups. Cando volveron, despois de cear, todos xuntos viron unha película da Patrulla Canina antes de ir durmir. O domingo Teo almorzou con Brais e Olalla! Coas pilas cargadas foron mercar pan, e aproveitaron para coñecer a Nico e a Guille, os curmáns de Brais Pérez, cos que e...

Esta semana, o Equipo de Biblioteca do noso centro puxo en funcionamento para todo o alumnado "A mochila viaxeira". Cada aula conta coa súa, e hoxe a profe Meibel, que tamén é a coordinadora deste equipo, tróuxonos a nosa. No interior desta mochila tan especial podedes atopar algúns contos e as instrucións de uso. Tamén volas deixamos por aquí: - Esta mochila viaxará por tódalas casas dos nenos e nenas da clase. A mochila leva dentro unha gran variedade de libros para que pais, nais e cativos gocen coa lectura. Cada alumna e cada alumno lerá o que queira sen ningún tipo de compromiso. - A mochila estará en cada casa unha semana, levándoa o venres e tendo que devolvela o venres seguinte. E a primeira afortunada en levala para a súa casa foi... Marta!