O QUE MÁIS ME GUSTA DE TI!

Como ben sabedes, mañá celebraremos o Día do Amor e da Amizade e, entre outras, durante os últimos días realizamos unha actividade titulada "O que máis me gusta de ti".

O pasado xoves, reunidos en asemblea, explicámoslle á profe en que consistía iso do amor e da amizade, e incidimos na importancia de tratarnos ben entre nós. Despois de escoitarnos os uns aos outros, a mestra tamén nos propuxo comentar que era o que máis nos gustaba dos nosos compañeiros e compañeiras. Como non sabiamos moi ben que dicir, comezou ela contando que era o que máis lle gustaba de cada Pondaliñ@. Despois dos seus exemplos todo resultou máis sinxelo, e un montón de palabras bonitas saíron das nosas bocas.

Como vos contamos fai uns días, emparellámonos en función da cor do noso corazón. Tendo claro quen era a nosa parella, tocaba debuxala o máis detalladamente posible, e destacar o que máis nos gustaba dela.

Esta mañá por fin puidemos rematar tódolos corazóns, e esta tarde a profe xa os colocou polo corredor xunto aos dos nenos e nenas de 4 e 5 anos, e tamén xunto aos de 1º e 2º de Primaria. Aquí vos deixamos as fotos que sacamos hoxe!

A Daniella o que máis lle gusta de Alonso é que sempre quere xogar con ela. A Alonso o que máis lle gusta de Daniella é que sempre se ri.

A Roi o que máis lle gusta de Iria é que sempre se porta ben. A Iria o que máis lle gusta de Roi é que sempre está contento.

A Noa o que máis lle gusta de Martina é que sempre quere xogar con ela. A Martina o que máis lle gusta de Noa é que sempre comparte os xoguetes.

A Naia o que máis lle gusta de Brais é que sempre lle dá abrazos. A Brais o que máis lle gusta de Naia é que sempre está contenta.

A Alejandro o que máis lle gusta de Xabier é que sempre quere xogar con el. A Xabier o que máis lle gusta de Alejandro é que sempre está contento.

A Mariña o que máis lle gusta a Nizar é que sempre lle dá caricias. A Nizar o que máis lle gusta de Mariña é que é moi boa con el.

A Brais o que máis lle gusta de Aroa é que sempre comparte os xoguetes. A Aroa o que máis lle gusta de Brais é que sempre a axuda.

A Lucas o que máis lle gusta de Izan é que é moi bo con el. A Izan o que máis lle gusta de Lucas é que sempre lle dá caricias.

A Zaira o que máis lle gusta de Andrea é que sempre lle dá abrazos. A Andrea o que máis lle gusta de Zaira é que sempre lle dá bicos.

A Aroa o que máis lle gusta de Claudia é que sempre lle dá bicos. A Claudia o que máis lle gusta de Aroa é que sempre comparte os xoguetes.

A Leila o que máis lle gusta de Marta é que sempre xoga con ela e comparte os xoguetes. A Marta o que máis lle gusta de Leila é que sempre comparte os xoguetes.

A Lucía o que máis lle gusta de Hugo é que sempre comparte os xoguetes. A Hugo o que máis lle gusta de Lucía é que é moi boa con el.